الكارديو على معدة فارغة Fasted Cardio

من اكتر الأشياء المنتشرة بين الشباب اللي بدن ينحفو بالفترة هي هو الركض على معدة فاضية او fasted cardio ..
☣️ والأسطورة بتقول انك لما تركض على معدة فاضية جسمك هيستخدم الدهون اللي عندك كمصدر طاقة بالتالي رح تنحف بشكل اسرع واحسن ف هل الكلام صحيح ؟؟؟
?الجانب هاد فيه نوع من الصحة حسب البحث اللي بيقول ان ال fasted cardio بيعزز زيادة الأكسدة الدهنية ال fat oxidation ، لكن لمدة قصيرة جداً خلال التمرين وبالنظر للموضوع من ناحية أشمل وأوسع مجموعة من الباحثين عملو قياس
Respiratory exchange ratio
?القياس هاد بيحدد الجسم بيحرق المزيد من الدهون أو الكاربوهيدرات كمصدر للطاقة مباشرةً بعد التمرين ..
?لما قاسوه اول مرة بعد التمرين مباشرة ال fasted cardio أظهر مؤشر قياس أقل مما يعني انه حرق الدهون بالمقام الأول
أما ال fed cardio أظهر مؤشر أعلى مما يعني انه استخدم الكارب اكتر
?رجعو عملو نفس القياس مرة بعد 12 ساعة ومرة بعد 24 ساعة
?لقو فيها ان المؤشر اختلف وان ال fasted cardio كان المؤشر تبعه أقل بشكل كبير من ال fed cardio
?يعني اللي عرفناه بالنهاية ان لعب الكارديو خلال وقت آكل قبله افضل من لعب الكارديو على معدة فاضية حسب الدراسات هي ..
☢️ دراسة تانية عام 2014 على 20 سيدة بتمارس الكارديو لمدة 60 دقيقة ل 3 أيام أسبوعيا ولمدة اربع أسابيع قسموهم مجموعتين
10 لعبو على معدة فاضية و 10 لعبو بعد ما اخذو بروتين شيك 250 كالوري ..
المجموعتين كانو ماشيين على نظام غذائي بيحقق عجز 500 كالوري باليوم ، بنهاية الدراسة المجوعتين خسروا نفس المقدار من الوزن والدهون ..
☢️ وبآخر meta-analysis استرالية قارنوا اكتر من خمس دراسات مع بعض بتضم اكتر من 100 شخص وكانت نتيجتها ان الكارديو على معدة فاضية مافيه اي فائدة اضافية من ناحية خسارة الدهون ..
بالنهاية كمية الأكل ونوعية الاكل نفسه هو الأهم لخسارة الوزن مع الاستمرارية عليه وعلى لعب رياضة مناسبة ..
♻️ لكن بالنظر لفوائد الكارديو على معدة فاضية :
1- التأقلم على تدريب الأكسدة الدهنية ..
2- تحسين حساسية الأنسولين بعد التمرين ( خصوصاً الناس اللي عندهم سكر )
3- بعض الناس بشوفوه ممتع وبحسو بنشاط خلال اليوم ويعتبر شيء مهم لأن العامل النفسي من أهم العوامل اللي بتخلي الشخص يستمر بالرياضة …
بالنهاية الموضوع كان مجرد توضيحي وانت العب كارديو بالوقت المناسب بالنسبة الك وبالطريقة اللي بتشوفها ممتعة ..